Header Ads

test

روہت شرما کا کورونا وائرس سے متاثرہ لوگوں کے لیے بڑی امداد کااعلان

روہت شرما کا کورونا وائرس سے متاثرہ لوگوں کے لیے بڑی امداد کا اعلان

                                                               
                   

                                                                                              نئی دہلی

 بھارتی بلے باز روہت شرما نے کورونا وائرس کے خلاف جنگ کے لیے 80لاکھ بھارتی روپے عطیہ کر دیئے۔ خلیج ٹائمز کے مطابق روہت شرما نے 45لاکھ روپے کورونا وائرس کے حوالے سے بھارتی وزیراعظم نریندر مودی کے قائم کردہ فنڈ میں اور 25لاکھ روپے بھارتی ریاست اترپردیش کے وزیراعلی کے قائم کردہ فنڈ میں جمع کرانے کا اعلان کیا۔ اس کے علاوہ انہوں نے فیڈنگ انڈیا آرگنائزیشن اور ویلفیئر آف سٹرے ڈاگز نامی تنظیموں کو پانچ پانچ لاکھ روپے عطیہ کیے۔

روہت شرما نے سماجی رابطے کی ویب سائٹ ٹوئٹر پر ایک ٹویٹ میں عطیہ کی گئی رقم کی تفصیل بتائی اور ساتھ لکھا کہ ”اس وباءسے ملک کو نجات دلانے کے لیے ہم پر کچھ ذمہ داری ہے۔ ہم آپس میں ایک دوسرے کا بوجھ بانٹ کر ملک کو واپس اس کے قدموں پر کھڑا کر سکتے ہیں۔ “ واضح رہے کہ اس سے قبل بھارتی کرکٹر سریش رائنہ بھی وزیراعظم کے فنڈ میں 31لاکھ اور اترپردیش کے وزیراعلیٰ کے فنڈ میں 25لاکھ بھارتی روپے جمع کروا چکے ہیں۔

No comments